Prishtinë, 6 dhjetor - Rrjeti i Grupeve të Grave të Kosovës (RrGGK), organizon Kuvendin Vjetor të 12-të të Anëtareve të RrGGK.

Këtë vit, Kuvendi Vjetor i RrGGK-së do të organozohet me moton “Me Shyhreten”, si konfirmim i përkrahjes së RrGGK për znj. Shyhrete Berisha, e cila humbi bashkëshortin dhe fëmijët e saj gjatë luftës dhe aktualisht është duke kërkuar të drejtën e saj në pronë.

RrGGK qëndron pranë saj dhe të gjitha grave që ende përpiqen për të realizuar të drejtën e tyre ligjore për pronësi në Kosovë.

RrGGK ka filluar të mbajë Kuvendin Vjetor të Anëtareve në vitin 2003, si pjesë e përgjegjësisë së anëtareve të stafit për të raportuar tek Kuvendi i Anëtareve të RrGGK çdo vit.

Në përputhshmëri me Statutin e RrGGK-së, Kuvendi i Anëtareve është organi më i lartë qeverisës, përgjegjës për zgjedhjen e Anëtarëve të Bordit të RrGGK, që mbikqyrë dhe vlerëson punën e RrGGK-së.

Gjatë Kuvendit Vjetor prezantohet suksesi i RrGGK drejt implementimit të Planit Strategjik 2011-2014, duke u fokusuar në aktivitetet gjatë vitit 2014.

Mbi të gjitha, RrGGK shfrytëzon këtë kohë për reflektim dhe për të shprehur mirënjohje ndaj atyre që kanë dhënë kontribut thelbësor drejt avancimit të të drejtave të grave dhe barazisë gjinore në Kosovë dhe jashtë saj.