Prishtinë, 31 tetor - Instituti Riinvest organizon prezantimin e të gjeturave nga hulumtimi ‘Sa është e hapur Qeveria e Kosovës? - Rezultatet nga matësi i qeverisjes së hapur’; që do të mbahet sot në hapësirat e Insitutit Riinvest në Prishtinë.

Qëllimi i kësaj konference është që të diskutohet rëndësia e iniciativave qeveritare për të njoftuar publikun me punën, organizimin e qeverise, me të dhënat me rëndësi siç janë buxheti, dhe të dhënat e prokurimit, si dhe të prezantohen rezultatet e hulumtimit i cili paraqet gjendjen e tanishme të transparencës së qeverisjes në Kosovë.

Ky publikim është rezultat i projektit Avokimi për Qeverisje të Hapur, i cili po zbatohet në gjashtë vendet e Ballkanit Perëndimor: Shqipëri, Bosnje dhe Hercegovinë, Mal të Zi, Maqedoni, Serbi dhe Kosovë.