Prishtinë, 16 qershor - ​Procesi i shpalljes së rezultateve përfundimtare po del të jetë një nga telashet më të mëdha nga zgjedhjet e 8 qershorit.

Në Qendrën e Numërimit të Rezultateve fajin për këtë çështje po ia lënë procedurave në regjistrim të votave që janë me kusht, por edhe ato me postë.

Koordinatori, i QNR-së Burim Ahmetaj, ka bërë të ditur se vonesa e ardhjes së votave me postë po shkakton edhe vonesa tjera në këtë proces duke përfshirë edhe publikimin e rezultatit përfundimtar.

Komisioni Qendror i Zgjedhjeve nuk mund ta bëjë një gjë të tillë derisa QNR t’ia konfirmoië kësaj të fundit se kanë përfunduar të gjitha proceset e numërimit të votave. Si pasojë e kësaj, rezultatet përfundimtare nuk mund të priten para një periudhe dhjetëditëshe.

/Tribuna/