Prishtinë, 19 shkurt - Kryetari i Aleancës së Ardhmërisë së Kosovës Ramush Haradinaj Daradinaj ka bërë të ditur se ka jap dorëheqje nga mandati i deputetit të Kuvendi të Kosovës.

\"Duke e parë se Kuvendi i Kosovës, është shndërruar në një institucion për mbluesën e shkeljeve kushtetuese që i ka bërë qeveria; duke e parë se Kuvendi është shndërruar në një vend ku deputetët me urdhër politik, tërhiqën zvarrë nga policia; dhe duke e parë përjashtimin arbitrar të deputetëve të Opozitës nga Kuvendi, jap dorëheqje të parevokueshme nga mandati i deputetit të Kuvendit të Republikës së Kosovës\", ka thënë Haradinaj.

Ai ka shtuar se në mandatin e tij prej deputeti, është munduar që të ngre shqetësimet e tij serioze për çështje me interes për vendin, duke përfshire edhe gabimet që po bëhëshin me nënshkrimin e dy marrëveshjeve kontestuese, Demarkacionin dhe Asociacionin, por siç është shprehur ai është injoruar nga uzurpatorët e pushtetit e të Kuvendit.

\"Pikërisht si rezultat i një injorimi të tillë dhe e një papërgjegjësie ekstreme të pushtetarëve të këtij vendi, e vetmja rrugë veprimi e imja si deputet, kishte mbetur logjika e kundërshtimit me gaz.\" 

\"Pas ditës së sotme ndërkaq, konsideroj se Kuvendi i Republikës së Kosovës, nuk është më një institucion demokratik dhe rrjedhimisht unë nuk e shoh vetën më pjesë të kësaj legjislature\", ka theksuar Haradinaj.