Prishtinë, 18 prill - Akademiku i shquar nga Kosova Rexhep Qosja ishte i ftuar në studion e televizionit “A1 Report!” ku ka dhënë mendimin e tij për bisedimet në Bruksel.

Sipas Qoses, nuk mund të thuhet në mënyrë definitve se si do të përfudojnë bisedimet mes Kosovës dhe Serbisë.

Ai ka thënë se serbët duan të kenë një "Kalë Troje" pikërisht në Mitrovicën e Veriut.
 
"Nuk është lehtë të zgjidhet ai problem. Serbët për Mitrovicën veriore kanë mendime më shumë se çmendojmë ne.Serbët e shikojnë Mitrovicën Veriore edhe më ndryshe se ç’e shikojmë ne shqiptarët. Edhe nuk e dimë se ç’ka krejt ata duan."

"Edhe duhet ta dimë, duhet të lexojmë studimet e tyre, shkrimet e tyre, analizat e publicistëve të tyre, të intelektualëve të tyre. Dhe po t’i lexojmë ata, do shikojmë se Serbia nuk heq dorë lehtë prej disa kompetencave që i kërkojnë ata atje, nuk heq dorë lehtë. Pse? Sepse ata duan të kenë një Kalë të Trojës në Kosovë dhe do ta kenë përmes pjesës veriore të Kosovës. A do të jenë të detyruar të lëshojnë pe shumë për shkak të inkuadrimit në BE? Kjo mbetet të shihet.