Prishtinë, 31 dhjetor - Kryeministri Hashim Thaçi, kryetari i kuvendit Jakup Krasniqi dhe Fatmir Limaj duhet të vazhdojnë bashkëpunimin.

Kështu shprehet në një interviste për gazetën “Epoka e Re”, Akademiku Rexhep Qosja i cili nënvizon se bashkëpunimi i këtyre tre figurave kryesore të luftës së UÇK-së është në të mirë të Kosovës.

“I ftoj Jakup Krasniqin, Hashim Thaçin e Fatmir Limajn ta vazhdojnë bashkëpunimin e tyre që ka traditë të gjatë dhe i ftoj për këtë bashkëpunim për të mirën e tyre dhe për të mirën e Kosovës” ka thënë Qosja.

Akademiku Qosja ka vlerësuar edhe njohjet e arritura gjatë këtij viti.