Prishtinë, 14 shkurt - Qeveria ka akorduar 100 mijë euro për mbulimin e të gjitha shpenzimeve që lidhen me organizimin e aktiviteteve për 5-vjetorin e pavarësisë. Zëvendëskryeministri Hajredin Kuçi njoftoi se përgatitjet për festimet kanë filluar.

“Ka qenë një bashkëpunim shumë i mirë nga të gjithë ne që nuk ka pasur reflektimit politike apo partiake nga asnjë prej nesh”, tha Kuçi.

Aktivitetet do të fillojnë nga dita e neserme me dekorimin e të gjitha qyteteve të Kosovës.

Në të gjitha shkollat ora e parë e mësimit do ti dedikohet ditës së pavarësisë, ndërsa në orën 12 në Universiteti i Prishtinës do të organizojë akademi në shënim të 43 vjetorit të universitetit.