Prishtinë, 10 shkurt - Përfaqësuesi i Institutit për Studime Ligjore dhe Demokratike, Flamur Hyseni, ka thënë se deri më tani qeveritë tona kanë përmbyllur procese të rëndësishme shtetkrijuese dhe të natyrës politike.

Ai për ‘Epokën e re’, ka thënë se tash e tutje secila qeveri do ta ketë më vështirë se tjetra, pasi do të përballen me kërkesat e popullatës.

Duke folur për migrimin ilegal, Hyseni ka thënë se duhet t’i kuptojmë shqetësimet e qytetarëve.

“Qytetarët nuk janë të kënaqur me atë që kanë këtu, prandaj kanë të drejtë të kërkojnë më mirë. Problematike është kur fillon heqja dorë nga shtetësia”, është shprehur Hyseni.