Tiranë, 26 qershor- Partia Socialiste është pranë një fitoreje historike, ku deri tani janë numëruar 44% të votave.

Teksa janë numëruar 2359 nga 5362 kuti në të gjithë Shqipërinë, PS udhëheq me mbi 51.65% të votave (332 mijë vota), e ndjekur nga PD me 29.29% të votave (188 mijë vota) dhe LSI me 15.37% të votave (99 mijë vota).

Ndërsa PS sheh rritje të ndjeshme në vota në krahasim me 4 vite më parë, e kundërta ndodh me PD që është rrudhur në shifra në këto zgjedhje.

Bazuar tek numërimi deri tanishëm, rezulton se projeksioni për ndarjen e mandateve është si më poshtë:
PS - 75 mandate
PD - 41 mandate
LSI - 20 mandate
PDIU - 3 mandate
PSD - 1 mandat