Prishtinë, 11 shkurt - Ambasadori i Sh.B.A.-ve në Kosovë, Greg Delawie do të flasë me rastin e hapjes së konferencës “Rritja e Pjesëmarrjes së Grupeve të Margjinalizuara në Kosovë”. 

Konferenca “Rritja e Pjesëmarrjes së Grupeve të Margjinalizuara në Kosovë” ka për qëllim që të promovojë konceptin e shoqërisë gjithpërfshirëse; të ngrisë vetëdijen publike mbi çështjen e grupeve të margjinalizuara; dhe të përmirësojë mundësitë për individët e margjinalizuar që të ushtrojnë të drejtat e tyre në shoqëri. 

Konferenca është organizuar nga aktiviteti i USAID-it “Angazhimi për Barazi” i cili implementohet në partneritet me Qendrën e Trajnimeve dhe Burimeve për Avokim (ATRC).