Prezantohen kushtëzimet e sundimit të ligjit për MSA-në
Kjo tryezë ka për qëllim që të diskutojë zbatimin e reformave në fushën e sundimit të ligjit, që rrjedhin nga Marrëveshja e Stabilizim Asociimit në mes të Kosovës dhe Bashkimit Evropian.
Sundimi i ligjit mbetet një nga prioritetet kyçe në procesin e zgjerimit dhe një nga pengesat kryesore në bazë të Raportit të fundit të Komisionit Evropian 2016 për Kosovën.
Përderisa reformat e sundimit të ligjit përqëndrohen në forcimin e institucioneve, si dhe në parandalimin dhe luftimin e krimit të organizuar dhe korrupsionit, përparimi i Kosovës në shumë fusha është portretizuar si minimal.
Në fillim të tryezës, GSJP do të prezantoj Raportin e Politikave me titullin \"Kushtëzimet e sundimit të ligjit në Marrëveshjen e Stabilizim Asociimit ndërmjet Kosovës dhe BE-së.\"
Ky studim ofron një analizë të plotë të kërkesave të sundimit të ligjit që Kosova duhet të zbatojë për të përmbushur detyrimet që rrjedhin nga MSA-ja dhe trajton implikimet e tyre.
Gjithashtu, ky raport analizon mekanizmat që sigurojnë monitorimin e MSA-së, si dhe ofron rekomandime për qeverinë e Kosovës në lidhje me zbatimin e saj.
