Prishtinë, 23 shkurt - Presidentja e Republikës së Kosovës, Vjosa Osmani ka pritur sot në takim lamtumirës ambasadoren e Finlandës në Kosovë, Pia Stjernvall, të cilën e ka falënderuar për shërbimin e deritashëm në Kosovë, duke i uruar sukses në angazhimet e mëtejme. 

Përveç tjerash, Presidentja Osmani e ka falënderuar ambasadoren Stjernvall edhe për mbështetjen e deritashme të Finlandës ndaj Kosovës, duke kërkuar që mbështetja të vazhdojë edhe në rrugën evropiane të Kosovës dhe anëtarësimit në organizata ndërkombëtare.