Prishtinë, 19 tetor - Presidentja e Republikës së Kosovës, Atifete Jahjaga, priti sot në takim përfaqësues të shoqërisë civile, të cilat ditë më parë bënë deklaratë të përbashkët në mbështetje të dialogut politik për të adresuar zhvillimet e fundit në vend.


Përfaqësuesit e shoqërisë civile, z. Ismet Krasniqi nga KDI, znj. Ariana Qosaj-Mustafa nga KIPRED, Petrit Zogaj nga FOL, znj. Edita Mustafa nga KDI, Veton Mujaj nga Syri i Vizionit dhe z. Fatmir Curri nga KCSF përgëzuan Presidenten Jahjaga për angazhimin e saj kushtetues për të lehtësuar dialogun politik me partitë politike parlamentare të Kosovës në përpjekje  për  të  tejkaluar  gjendjen  e  krijuar  në  vend duke theksuar se thirrja e Presidentes për dialog politik është e vetmja mundësi për të tejkaluar zhvillimet e fundit.