Prishtinë, 14 janar - Presidentja e Republikës së Kosovës, zonja AtifeteJahjaga priti sot në takim kryetaren e Komisionit Qendror tëZgjedhjeve, zonjën Valdete Daka, me të cilin bisedoi për shpalljen ezgjedhjeve të parakohshme për kryetar të Mitrovicës së Veriut.

Presidentja Jahjaga u njoftua nga kryetarja e KQZ-së, zonja Daka, për aspektet organizative dhe përgatitjet që duhet të kryhen nga KQZ-ja për mbarëvajtjen e procesit të zgjedhjeve të parakohshme.
 
Presidentja Jahjaga theksoi se i gjithë procesi i zgjedhjeve të parakohshme për kryetar të Mitrovicës së Veriut duhet t’i përmbahet ligjeve të Kosovës që përcaktojnë rrethanat dhe mënyrën e mbajtjes së zgjedhjeve të parakohshme.

Ajo tha se të gjitha institucionet e mandatuara për mbarëvajtjen e procesit të zgjedhjeve duhet të përgatiten sa më mirë për një proces të drejtë dhe të lirë të zgjedhjeve.