Prishtinë, 10 shtator - Presidentja e Republikës së Kosovës, Atifete Jahjaga, do të zhvillojë sot një vizitë zyrtare në Tiranë.

Jahjaga do të pritet në takime të veçanta nga Presidenti Bujar Nishani, kryeministri Edi Rama dhe kryeparlamentari Ilir Meta.

Gjithashtu, Jahjaga do t’u drejtohet me një fjalim edhe deputetëve të Kuvendit të Shqipërisë.

Më tej gjatë qëndrimit të saj në territorin shqiptar, presidentja e Kosovës do të vizitojë qytetin e Shkodrës dhe atë të Beratit.