Prishtinë, 22 shkurt - Presidenti i Republikës së Kosovës, Hashim Thaçi, dje ka dekoruar, Agim Çekun, ish shefin e Shtabit të Ushtrisë Çlirimtare të Kosovës, me Medaljen Presidenciale Jubilare, me rastin e shënimit të 10 vjetorit të Pavarësisë së Kosovës.

Dekorimi është bërë me motivacionin për kontributin e tij të dhanë gjatë luftës për Lirinë dhe Pavarësinë e Kosovës, si shef i Shtabit të UÇK-së, kryeministër i Kosovës dhe ish anëtar i Grupit Negociator në Procesin e Vjenës.

Me këtë rast, Agim Çeku, ka thënë se “kjo dekoratë, për mua është edhe një obligim shtesë për të punuar në ndërtimin e institucioneve të Kosovës, e në veçanti për ngritjen dhe profesionalizimin e FSK-së, si dhe transformimin e saj, në Forcat e Armatosura të Kosovës.

Presidenti Thaçi, me rastin e shënimit të 10 vjetorit të Pavarësisë së Kosovës ka dekoruar me medalje edhe personalitete tjera, të cilët kanë kontribuar në çlirimin e Kosovës.