Prishtinë, 10 shtator - Me ftesë të Presidentes së Republikës së Kosovës, zonjës Atifete Jahjaga, sot për vizitë shtetërore në Republikën e Kosovës vjen Presidenti i Republikës së Sllovenisë, Borut Pahor.

Presidentja Jahjaga do ta presë Presidentin Pahor me ceremonitë më të larta shtetërore.

Përveç takimit me Presidenten Jahjaga, Presidenti Pahor do të takohet edhe me drejtues të institucioneve të Kosovës, si dhe me drejtues të misioneve ndërkombëtare në Kosovë.

Edhe policia ka njoftuar se me rastin e vizites Presidenti Pahor, Policia e Kosovës do të  bejë  përcjelljën dhe ofrimin e sigurisë për personalitetin  në fjalë dhe eskorten e tij.

"Me qëllim të arritjës së realizimit të agjendës gjatë qëndrimit në Kosovës, njësitet policore të  komunikacionit rrugor,  kohë  pas kohe në rruge  të ndryshme të  kryeqytetit do të  nderprejne komunikacionin rrugor për qarkullim në përiudha kohore të shkurta dhe do ta riorientojne në  rruge alternative."

"Bazuar në  nderprerjë te parapara prej një  intervali të  shkurter kohor si dhe bazuar në  punimet qe po realizohen në  rruge të  ndryshme mund të  krijohen veshteresi ne qarkullim e komunikacionit rrugor me automjete,  dhe për ketë kërkojme mirëkuptimin e gjithë  qytetareve,  e në  veqanti të  atyre që  jenë   pjesë  e komunikacionit rrugor në  ate kohë", thekson policia.