Prishtinë, 22 shkurt - Domosdoshmëria e stabilizimit të situatës në Veri të Mitrovicës ishte  temë kryesore që u diskutua sot në takimin e zhvilluar mes Zëvendëskryeministrit të  Kosovës, njëherit Ministër i Administrimit të Pushtetit Lokal, Slobodan Petroviq, dhe përfaqësuesit special të  Bashkimit Evropian në Kosovë, në Kosovë Samuel Zhbogar.

Gjatë këtij takimi Zëvendëskryeministri Petrovic e njoftoi Samuel Zhbogar për përparimin e arritur në zbatimin e procesit të decentralizimit, posaçërisht krijimit të komunave të reja si dhe për veprimet e fundit të ndërmarra nga institucionet e Kosovës në Veri të Mitrovicës.

“Situata në veri është e brishtë, qytetarët e Veriut kanë nevojë për stabilitet dhe meritojnë të jetojnë me mirë” tha Zëvendëskryeministri Petroviq.

Zëvendëskryeministri Petrovic tha se në kuadër të angazhimeve të institucioneve të Kosovës për të ndihmuar  qytetarët  në Veri të Mitrovicës, Ministria e Administrimit të Pushtetit Lokal, javën e kaluar ka filluar shpërndarjen e ndihmave humanitare  në Veri të Mitrovicës  për familjet në gjendje të rëndë sociale dhe kua aktivitet do të vazhdoje edhe ën të ardhmen.

Në takimin me Samuel Zhbogar,  Zëvendëskryeministri Petrovic theksoi se krijimi i komunës Veriore të Mitrovicës dhe forcimi i demokracisë qytetare  mbetet në agjendën prioritare të Institucioneve të Kosovës.

Përfaqësuesi  special të  Bashkimit Evropian në Kosovë, në Kosovë  Samuel Zhbogar i ofroi mbështetje të plotë Zëvendëskryeministrit Petrovic në realizmin e agjendës për stabilizimin e situatës në Veri të Mitrovicës.