Prishtinë, 20 mars - Në vazhdën e angazhimeve të institucioneve të Kosovës, përkatësisht realizimit të procesit të decentralizmit,  Zëvendëskryeministri i Kosovës, njehërit Ministër i Administrimit të Pushtetit Lokal, Slobodan Petrovic nënshkroi sot marrëveshje mirëkuptimit me  organizata joqeveritare nga Veriu I Mitrovicës të cilët nëpërmjet projekteve do të promovojnë integrimin e komuniteteve.

Gjatë ceremonisë së nënshkrimit të marrëveshjeve, Zëvendëskryeministri Petrovic tha se Institucionet Kosovare veprojnë në mënyrë të kufizuar në pjesën veriore të Kosovës me arsye të mire njohura politike, edhe pse Institucionet e Kosovës veçanërisht në fushën e decentralizimit qëllimin kryesor e kanë e përmirësimit të standardit jetësor për qytetarët.
 
Me rastin e nënshkrimit të marrëveshjeve me organizatat jo-qeveritare nga Veriu, Zëvendëskryeministri Petrovic falënderoj OJQ-të kontributin e dhënë  në implementimin e procesit të decentralizimit, Ekipin Përgatitor Komunal të Mitrovicës së Veriut, si dhe organizatat ndërkombëtare në Kosovë, në veçanti  Zyrën civile ndërkombëtare .
 
Projektin për iniciativa të përbashkëta me qëllim të integrimit të komuniteteve , Ministria e Administrimit te Pushtetit Lokal, e  ka lancuar në majin janar të këtij viti me ç’rast ka bërë thirrje për të gjitha OJQ-të, që veprojnë në rajonin e Veriut të Mitrovicë, të ofrojnë projekte konkrete që ndihmojnë dhe promovojnë iniciativa të përbashkëta mes komuniteteve.
 
Granatet e ndara sot, përfshijnë shumën  prej 3,000.00 deri në  5,000.00 euro, ndërsa kanë për qëllim promovimin e kulturës, nëpërmjet panaireve aktivizimi i nxënësve të të dy pjesëve të qytetit  në aktivitete të përbashkëta, organizim garash mes të rinjve  në muzike aktivitete  Sportive si dhe aktivitete tjera kulturore.
 
Gjithashtu projekti  përfshijë edhe programe për promovimin e zhvillimi ekonomik  si dhe fushata informuese për qytetarët lidhur fenomenet negative në shoqëri si droga, prostitucioni etj.

Përzgjedhja e organizatave përfituese është bërë nga Ministria e Administrimit të Pushtetit Lokal,  Zyra Civile Ndërkombëtare dhe  Ekipi Përgatitor Komunal që Vepron në Veri të Mitrovicës.