Prishtinë, 30 nëntor - Partia Demokratike e Kosovës (PDK) dhe Aleanca për Ardhmërinë e Kosovës (AAK) kanë arritur marrëveshje për partneritet qeverisës.

Burime të Gazetës Express janë shprehur se bisedimet që kishin nisur javë më parë janë konkretizuar me ardhjen e Ramush Haradinajt në Prishtinë.

“Brenda dhjetë ditësh finalizohet koalicioni PDK-AAK. Partia e Ramush Haradinaj do të marrë poste të rëndësishme në Qeveri. Pajtimi ka ndodhur, për gjëra tjera arrihet pajtim gjatë këtyre ditëve”, ka treguar një zyrtar i afërt me dy liderët politikë në kushte anonimiteti për Express.

Ndërsa pritet të mësohet se cili do të jetë Kryeministër - Hashim Thaçi apo Ramush Haradinaj.