Prishtinë, 8 janar - Partia e Drejtësisë shprehë indinjatën dhe keqardhjen e thellë si dhe e dënon ashpër aktin terrorist që ndodhi dje në redaksinë e gazetës satirike franceze Charlie Hebdo, duke iu bashkua dhimbjeve të familjeve të cilat humbën më të dashurit.

PD konsideron se askush dhe asnjëherë nuk ka të drejtë që të cenojë lirinë dhe jetën e qytetarëve me të cilët nuk pajtohet me qëndrimet e shprehura në mënyrë të lirë duke u thirr në Zotin, sepse Krijuesi ynë i Gjithëfuqishëm në vazhdimësi e fton njerëzimin në Paqe dhe luftimin e dhunës ndërmjet njerëzve.

PD me këtë rast i shprehë ngushëllime të sinqerta presidentit Holland, familjarëve të të vrarëve, por edhe mbarë popullit francez dhe lutet që raste të tilla të mos ndodhin më asnjëherë.