Dragash, 6 qershor - Partia e Drejtësisë, ka mbajtur Kuvend Pune edhe në qytetin e Dragashin, me ç’rast kryetar u zgjodh dr. Sevim Rysheni. Ndërkohë që u zgjodh edhe kryesia e re dhe delegatët që do të marrin pjesë në Kuvendin Qendror të PD-së, që pritet të mbahet nesër.

Kryetari i porsazgjedhur, Sevim Rysheni, tha me këtë rast se qytetarët e Dragashit çdo herë kanë mbështetut programin e PD-së, ndërsa shtoi se tani e kanë mundësinë edhe më të madhe që të njihen më për së afërmi me vlerat që i posedon kjo parti dhe vizionin për të ardhmen.

Ai shtoi se PD-ja qytetarëve të Dragashit, do të ju ofrojë një alternativ qeverisëse të drejtë, transparente dhe llogaridhënëse.

Kryetari i PD-së, Ferid Agani, falenderoi qytetarët e Dragashit për besimin që kanë në programin e PD-së, ndërsa iu garantoi se kryetari Rysheni do të jetë në shërbim të tyre.

I pranishëm në këtë kuvend ishte edhe kryetari i Komunës së Dragashit, Salim Jenuzi, i cili tha se prezenca e një subjekti politik siç është PD-ja veçsa do ta pasurojë edhe më shumë skenën politike në këtë komunë.