Tiranë, 26 qershor - Në Shqipëri deri tash janë numëruar mbi 85 për qind e kutive të votimit, ku Partia Socialiste e kryeministrit Edi Rama vazhdon të prijë bindshëm pothujse në të gjitha qarqet e vendit.

Sipas përditësimit të rezultateve të orës 23 del se janë numëruar 4627 nga 5362 kuti në të gjithë Shqipërinë.

Sipas rezulatateve të deritashme PS udhëheq me 48.18% apo 650 mijë vota, e ndjekur nga PD me 28.7% apo 387 mijë vota dhe LSI me 14.45% apo 195 mijë vota.

Nga partitë e tjera PDIU ka fituar 4.75%, derisa LIBRA ka fituar vetëm 1.3%.

Sipas përllogaritjeve PS do të ketë 73 deputetë, PD do të ketë 43 ulëse në parlament, pastaj LSI 19 deputetë dhe PDIU do të ketë 4 deputetë.