Prishtinë, 3 tetor - Në mesnatën që bashkon të marten me të mërkuren, kryetari i Partisë së Fortë Visar Ariraj ka nisur fushatën zgjedhore me një fjalim elektrizues para simpatizantëve.

\"Data 3 tetor është datë historike. Data 3 nëntor është datë kronologjike,\" ka thënë ai në zë të holluar nga heliumi që thithte nga balonat aty pranë.

Nën brohorimën “Kryetar, lexhendar!” nga qytetarët dhe qytetareshat e ekzaltuar, Arifaj vizionar u zotua që Partia e Fortë do të vazhdoj të premtoj në këtë muaj të shenjtë për të gjitha partitë politike në vend deri në fitoren bindëse. 

Pas fjalimit nga kryetari janë ndezur edhe fishekzjarret gjithandej barit Shallter në Prishtinë, ku është mbajtur hapja e fushatës zgjedhore.

Poashtu, votuesit patën fatin të shijojnë talentin dhe kreativitetin unik të nënkryetarëve në fushën e muzikës karaok, ku ata prezantuan këngët e vjetra qytetare prishtinase.

Partia e Fortë ka vërtetuar fortesinë e pashoqe edhe një herë duke qenë e para parti politike që hapi fushatën elektorale në vend.

LDK dhe AAK poashtu kanë festuar hapjen e fushatës në mesnatë, praktikë kjo jo dhe aq e zakonshme për partitë politike në Kosovë.