Rahovec, 2 qershor – Presidenti i AKR-së, njëherësh kandidat për kryeministër, në ditën e gjashtë të fushatës, u ka thënë qytetarëve të Rahovecit se pas 8 qershorit, me ardhjen në pushtet të AKR-së do të filloj të zbatohet program ekonomike që krijon mijëra vendeve të punës vetëm në bujqësi, nëpërmjet krijimit të platformave Agroekonomike, dhe komplekseve industriale për të cilat e kemi planin e gatshëm

“Ky është momenti historik për të dhënë mandatin ideatorëve të zhvillimit ekonomik dhe gjenerimit të punësimit”, tha Pacolli në tubimin e rahovecianeve.

Në tubimin e rahovecianëve ka fol Bajram Morina, kryetari i deges se AKR ne Rahovec, i cili u tha qytetarëve se në të kaluarën ua dhanë votën njerëzve të gabuar që nuk kanë bërë as edhe një investim të dukshëm në vendin tonë. “Fatkeqësisht kane këqperdorur besimin dhe votën tonë e mos ta bëjme të njëjtin gabim por të votojmë për të ardhmen tonë”, tha Morina.

Kandidati i AKR-së për deputet, Afrim Hoti, tha që pikërisht AKR dhe njerezit e saj janë ata që do ta sjellin Kosovën në gjendje më të mirë dhe që do të bëjnë ndryshimin. “Më 8 qershor do t’i themi po zhvillimit ekonomik, zhvillimit të Kosovës, mirëqenies së qytetarit. Do të dalim në dritë dhe do t’i themi përfundimisht jo territ”, tha Hoti.

Ne fund, foli Begzat Gashi edhe ky kandidat për deputet, që garantoi mbështetjen e pakusht të tijën personale dhe të përkrahsve tjere për AKR dhe liderin tonë z.Behgjet Pacolli”, tha Gashi.