Prishtinë, 9 qershor - Misioni i OSBE-së dhe Rrjeti i Qendrave Rinore të Kosovës do të organizojnë nesër një konferencë për mënyrat e fuqizimit të kapaciteteve avokuese të rinisë.

Konferenca shënon fillimin e bashkëpunimit në mes të Misionit të OSBE-së dhe qendrave rinore – organe rinore të nivelit lokal – pas përkrahjes tri vjeçare të OSBE-së për këshillat lokal për veprim rinor.

Pjesëmarrësit do të identifikojnë fushat për përkrahje të qendrave rinore, si dhe bashkëpunimin e mundshëm rajonal në mes të qendrave rinore dhe organizatave tjera.

Po ashtu, pritet që nga kjo konferencë të nxirren edhe rekomandime dhe pika veprimi për qendrat rinore, institucionet relevante dhe donatorët për të kontribuuar për një rol të shtuar të këtyre qendrave në pjesëmarrje të rinisë vendim-marrje.