Prishtinë, 14 dhjetor - Misioni i OSBE-së në Kosovë do të publikojë sot raportin Performanca dhe Ndikimi i Këshillit Konsultativ për Komunitete 2015-2016.

Raporti vlereson respektimin nga ana e Këshillit të kornizës ligjore që rregullon punën dhe funksionet e tij kryesore.

Raporti vë në pah të arriturat dhe veprimet që duhet ndërrmarrë për të shtuar efikasitetin e Këshillit për të siguruar pjesëmarrjen e komuniteteve në vendimmarrje. 

Shefi i Misionit të OSBE-së në Kosovë, Ambasadori Jan Braathu, do të mbaj fjalën hyrëse.

Më pas, përfaqësuesit e OSBE-së do të prezantojnë elementet kryesore të raportit dhe do t’i diskutojnë konkluzionet me pjesëmarrësit.