Prishtinë, 4 dhjetor - Opozita e bashkuar dëshiron ta njoftojë opinionin e gjerë, por edhe shtëpitë mediatike, që pas deklarimeve të fundit të zëdhënësit të Qeverisë dhe Ministrit të Punës dhe Mirëqenies Sociale, Arban Abrashi, i cili e krahason një parti opozitare me organizatën terroriste ISIS, ka marrë vendim që të mos u pëgjigjet thirrjeve të mediave që përfaqësues nga opozita të jenë përballë tij në ftesat për debate mediatike.

Qytetarët e Kosovës, presin një distancim dhe kërkim falje nga ministri në fjalë për këtë deklarim kaq të ulët krahasues.