Mitrovicë, 25 shtator - Në veri të Mitrovicës sot do të mbahet një tubim kundër zgjedhjeve lokale në Kosovë, të planifikuara për datën 3 nëntor.

Mediat serbe raportojnë se organizatorë të mitingut janë përfaqësuesit e të ashtuquajturit “Kuvend i përkohshëm i krahinës autonome të Kosovës dhe Metohisë”.

Sipas burimeve të njëjta, tubimi anti-zgjedhor mban moton “Stop zgjdhjeve separatiste” dhe do të nisë në orën 13:30.

Përkundër thirrjeve të Beogradit për pjesëmarrje në zgjedhje, disa serbë të veriut vazhdojnë të kundërshtojnë procesin që organizon Prishtina zyrtare.