Prishtinë, 22 shtator - Partia e Drejtësisë në Therandë po shënon ngritje të lakmueshme, këtë e dëshmon fakti që mbrëmë u themelua edhe një nëndegë në fshatin Bllacë, kryetar i së cilës u zgjodh Jeton Guraziu.

Ferid Agani,  kryetar i PD-së dhe njëherësh ministër i Shëndetësisë i Republikës së Kosovës  tha se Partia e Drejtësisë është një knocept politikë, demokratik, i cili promovon Drejtësi.

Rruga e saj ka shumë ngarkesa dhe vështirësi, por PD-ja ka vlera etike dhe morale të cilat mëshirohen dhe kultivohen suksesshëm në gjeneratat që janë dhe do të vijnë, tha mëtutje kryetari Agani.

Edhe kandidati për kryetar të Therandës, Bajram Tërshana, shprehu bindjen e tij, se në zgjedhjet e 3 nëntorti PD-ja në këtë rajon do të shënojë ngritje dhe do të dëshmojë se është ndër partitë kryesore në Therandë.

Po ashtu kryesia e PD-së bënë të ditur se edhe në ditët në vazhdim do të themelojnë nëndegë të reja në mbarë vendin.