Prishtinë, 8 korrik - Pasaportat biometrike në Kosovë pritet të shpërndahen në gjysmën e dytë të këtij viti.

Zyrtarë të Ministrisë së Punëve të Brendshme, paralajmërojnë se këto pasaporta, si një nga kushtet për liberalizimin e vizave, do të fillojnë të shpërndahen në tetor të këtij viti.

Ministria e Punëve të Brendshme (MPB) tashmë ka njoftuar për vlerën e tenderit, që është mbi 14 milionë euro, i fituar nga kompania austriake “Oesterreichische Staatsdruckerei GmbH”.