Prishtinë, 3 qershor - Partisë Demokratike të Kosovës i janë shtuar edhe 150 anëtarë të rinj. Sekretari i Përgjithshëm i Partisë Demokratike të Kosovës, Basri Musmurati, ka shpërndarë librezat e anëtarësimit për anëtarët që të martën iu bashkuan PDK-së.

Me këtë rast, sekretari i PDK-së Basri Musmurati foli rreth programit të Misionit të Ri, duke thënë se programi i Partisë Demokratike të Kosovës për qeverisjen e ardhshme dhe fondi prej 1.5 milard eurosh  ofron mundësi dhe lehtësira për të gjithë qytetarët.

“Misioni i Ri  është i favorshëm edhe për studentët që duan të studiojnë në universitetet publike,sepse ky program mundëson që një pjesë e shpenzimeve për studime të zvogëlohet. Në fondin prej 1.5 milardë eurosh të prezantuar nga kryeministri Hashim Thaçi,  ju si  të rinj,  do të gjeni vend  për bizneset e vogla dhe të mesme “ ka thënë sekretari Musmurati.

Ai ka shprehur falënderimet e tij dhe të Partisë Demokratike të Kosovës për të gjithë ata që po i përqafojnë vlerat  dhe programin e PDK-së dhe po i bashkohen konceptit të këtij subjekti politik.