Prishtinë, 20 shtator - Këshilli i Rinisë Evropiane e Kosovës vlerëson së shumë politikanë dhe liderë të partive politikë në Kosovë, nuk e kanë ende të qartë dhe nuk janë të bindur  se angazhimi i të rinjve në  jetën publike  dhe në aktivitete luan një rol kyç në arritjen e rezultateve më të mira.

Prandaj në Kosovë  e drejta e të rinjve për pjesëmarrje  ngelet  ende vetëm në fjalë dhe përdoret vetëm për imazh dhe interesa të klaneve kështu ka vlerësuar, Presidenti  i  Këshillit të Rinisë Evropiane të Kosovës Avdullah Hasani  në mbledhjen e komitetit të këtij këshilli  që do të monitoroj fushatën zgjedhore  si dhe pjesëmarrjen e të rinjve në të.

Eksperienca e deritanishme sipas Hasanit dëshmon se kjo mungesë e pjesëmarrjes aktive, dëmton interesat e të rinjve dhe e bën inekzistent zërin e tyre.

\"Siç e shohim të gjithë, të rinjve të Republikës së Kosovës i  mungon qasja në shumicën e proceseve vendimmarrëse, nuk kanë asnjë mbështetje politike dhe institucionale, shumë pak shumë pak  përkrahje nga mediet , shumë pak organizata dhe qendra rinore që të punojnë në ndihmë të të rinjve\", theksoi Hasani.

Pasi që shumica e tyre sipas tij janë të politizuara dhe shërbejnë për partitë politike dhe në këtë formë  vazhdoi  Hasani duku shprehur se partitë politike parlamentare po e ngufasin integrimin e të rinjve të Kosovës në shumë procese të rëndësishme shtetërore  e politike, ai vlerëson se duhet një angazhim më  i madhi shoqërisë Kosovare dhe një investim më i madhë në moshën e re të Kosovës.

\"E kjo na është dëshmuar  edhe në këtë vit që të rinjtë e Kosovës janë përfshirë shumë pak në listat për Asambletë Komunale për të mos thënë fare e që është  një diskimin dhe një ndezje të luftës mesë gjeneratave\", theksoi Hasani .