Prishtinë 16 janar - Kryeministri i Kosovës, Isa Mustafa, ka paralajmëruar se muajin e ardhshëm do të votohet për presidentin e ri të Kosovës, që sipas tij do të jetë kreu i PDK-së, Hashim Thaçi.

I pyetur nëse Thaçi do t’i ketë votat e LDK-së për president, kryeministri Mustafa ka thënë se të gjithë duhet ta respektojnë marrëveshjen, raporton RTV Dukagjini.

Në lidhje me protestën e ardhshme, që është paralajmëruar nga opozita, kryeministri ka thënë se “jemi vend demokratik dhe protestat e qeta janë e drejtë e çdokujt”.

Këto komente kryeministri i Kosovës, Isa Mustafa, i bëri në Pejë, në takimin e organizuar për diskutime rreth ndryshimeve të Statutit të LDK-së.