Prishtinë, 9 dhjetor -  Kryeministri në largim, Hashim Thaçi të premten do t’ia dorëzojë detyrën kryeministrit të zgjedhur Isa Mustafa.

Sipas njoftimit të Zyrës së Kryeministrit pranim-dorëzimi i detyrës se kryeministrit do të bëhet të premten në orën 14:00. “Njoftohen të gjitha mediet se pranim-dorëzimi i detyrës nga kryeministri Hashim Thaçi, tek kryeministri i sapozgjedhur i Qeverisë së Republikës së Kosovës, Isa Mustafa, do të bëhet më 12 dhjetor 2014, e premte, në ora 14:00”, është thënë në njoftimin e Zyrës së Kryeministrit.