Prishtinë, 5 gusht - Kryeministri Isa Mustafa ka deklaruar se sulmi mbi ndërtesën e Kuvendit të Republikës së Kosovës, është atak ndaj pavarësisë sonë.

“Sulmi mbi ndërtesën e Kuvendit të Republikës së Kosovës, është atak ndaj pavarësisë sonë. Kuvendi është organi më i lartë legjislativ, simbol i rregullimit tonë shtetëror dhe demokratik. Askujt nuk i lejohet të terrorizojë institucionet e shtetit tonë, ka shkruar Mustafa në \'Facebook\".

Ai ka ftouar organet e rendit të punojnë në zbardhjen e këtij rasti shumë të dëmshëm dhe tepër të shëmtuar si dhe qytetarët ta japin ndihmesën e tyre.

\"Kryerësit e kësaj vepre duhet të dalin para drejtësisë”, shkruan Isa Mustafa.