Prishtinë, 14 janar  – Kryeministri i Republikës së Kosovës, Isa Mustafa, pranoi një telegram urimi nga Kryeministrja e Republikës së Letonisë, Laimdota Straujuma me rastin e emërimit në pozitën e Kryeministrit të Kosovës.

 
Në telegramin e urimit thuhet:

 
Shkëlqesia Juaj,

 
Me rastin e emërimit tuaj si Kryeministër i Republikës së Kosovës, do të doja t’ju shpreh përgëzimet e mia më të sinqerta dhe t’ju uroj suksese drejt përmbushjes së qëllimeve të rëndësishme për vendin tuaj.

Më lejoni t’ju siguroj për përkrahjen e vazhdueshme të Letonisë për integrimin evropian të Kosovës dhe procesin  reformues.  E mirëpres intensifikimin e mëtutjeshëm të marrëdhënieve tona miqësore në të mirë të shteteve dhe popujve tanë.