Prishtinë, 6 qershor - Kryetari i Lidhjes Demokratike të Kosovës, dr. Isa Mustafa ka shprehur dhimbjen e tij të thellë dhe të LDK-së për humbjen e jetëve të punëtorëve të KEK-ut, si pasojë e një shpërthimi që ndodhi sot.

“Jemi tepër të tronditur nga kjo tragjedi dhe ju shprehim ngushëllimet më të sinqerta familjeve të punëtorëve që humbën”, ka thënë Kryetari Mustafa.

Ai, me këtë rast, të gjithë punëtorëve të lënduar u ka dëshiruar shërim sa më të shpejtë, duke i siguruar ata për solidaritetin e plotë të LDK-së dhe të tijin personalisht.

LDK-ja po ndjek me shqetësim zhvillimet e sotme në KEK duke qëndruar tërësisht pranë familjeve që humbën më të dashurit e tyre.