Skenderaj, 5 prill -  Kryeministri i Republikës së Kosovës, Isa Mustafa, të dielën ka bërë homazhe në Rezallë, me rastin e rivarrosjes së mbetjeve mortore të 28 viktimave të masakrës së fshatit Rezallë të Komunës së Skenderajt.

Kryeministri Isa Mustafa ka vendosur lule dhe ka ngushëlluar familjarët e pranishëm të  viktimave.

Të dielën është shënuar edhe 16 vjetori i Masakrës së Rezallës, ku ushtria dhe policia serbe ekzekutoi 98 banorë shqiptarë të Rezallës dhe fshatrave përreth.

28 viktimat e rivarrosura sot në Rezallë, u identifikuan në Rudnicë të Rashkës dhe iu dorëzuan familjarëve para tre ditësh.