Mitrovicë, 23 janar - Komuna e Mitrovicës po rivoton për zgjedhjet parlamentare të jashtëzakonshme.

Qendrat janë hapur në orën 7 të mëngjesit, dhe nuk janë shënuar incidente gjatë nisjes së proçesit. Për shumë se 86 mijë votues janë hapur 29 qendra votimi dhe 104 vendvotime.

Ndërsa për pjesën veriore e Mitrovicës, e domuniuar nga serbë, janë vendosur ekipe të lëvishme.

Në këtë pjesë do të hapen katër qendra të votimit, me gjashtë vendvotime.

Në lagjet veriore, ku jetojnë serbët, zgjedhjet do t`i organizojnë me ekipe lëvizëse IFES-i, kurse nga partitë politike që marrin pjesë në zgjedhje janë dërguar 728 anëtarë për këshillat e vendvotimeve dhe ata kanë të drejtë të dërgojnë edhe nga dy vëzhgues për secilin vendvotim.

Zyra e Përfaqësuesit Special të Bashkimit Evropian (EUSR) në Kosovë, Pieter Feith do të koordinojë sërish \"Vëzhgimin e Zgjedhjeve të Kosovës 2010\" për të raportuar mbi këtë rivotimi.

Misioni ndërkombëtar për vëzhgim të zgjedhjeve do të përbëhet prej rreth 40 ekipe me pjesëtarë të EUSR-së, pjesëtarë të misioneve diplomatike në Kosovë, si dhe diplomatë nga vendet e tjera anëtare të BE-së dhe nga rajoni i Ballkanit Perëndimor.

Për rivotimin në Mitrovicë, KQZ ka akredituar edhe shumë vëzhgues të tjerë.

Sipas medieve serbe, në pjesën veriore edhe këtë radhë janë duke u bojkotuar zgjedhjet nga serbët lokale.