Prishtinë, 9 shkurt - Komisioni për Legjislacion, Mandate, Imunitete, Rregulloren e Kuvendit dhe Mbikëqyrjen e Agjencisë Kundër Korrupsionit, në mbledhjen e sotme të kryesuar nga nënkryetarja e Komisionit, Selvije Halimi, miratoi në parim të Projektligjin për kundërvajtje.

Po ashtu, Komisioni miratoi raportin me amendamente në Projektligjin nr. 05/L-049 për administrimin e pasurisë së sekuestruar dhe të konfiskuar dhe të njëjtin e procedoi  për shqyrtim të mëtejmë në komisionet kryesore.

Tutje, Komisioni  u njoftua me shkresën e Komisionit Qeveritar për personat e zhdukur lidhur me propozimin e tyre në Projektligjin për Mjekësin Ligjore. Komisioni pas diskutimeve lidhur me këtë çështje u pajtua që propozimi i tyre që ka të bëjë me nenin 15 paragrafi 1.6 i Projektligjit të propozohet për ndryshim gjatë shqyrtimit të dytë të Projektligjit në Kuvend. Në fund të takimit, Komisioni vendosi që mbledhja e radhës të mbahet me dt. 16.2.2016, në orën 11:00.