MIE dhe UNDP diskutuan për projektet e përbashkëta
Në takim me Russell Ministrja Çitaku foli për zhvillimet e fundit në Kosovë, proceset aktuale në raport me integrimin Evropian siç janë; mbarëvajtja e negociatave për Marrëveshjen e Stabilizim Asociimit (MSA) me BE-në, organizimi i zgjedhjeve të lira dhe demokratike, përmirësimi i marrëdhënjeve fqinjësore me Serbinë, por edhe progresi në raport me liberalizmin e vizave.
Me këtë rast, poashtu u diskutuan projektet e përbashkëta që kanë dy institucionet tona, siç është integrimi sa më i mirë i komuniteteve Roma, Ashkali dhe Egjiptian në shoqërinë Kosovare.
Minsitrja Çitaku e falëndëroi Russell për kontributin që ka dhënë UNDP në Kosovë nga paslufta, dhe vazhdon të jap tani. Ministrja poashtu, e përgëzoi Russell për emërimin në detyrën e re dhe konfirmoi mbështetjen që do ta ketë gjatë mandatit të tijë në Kosovë.
Ndërsa Russell ishte mirënjohës përkushtimit të institucioneve të Kosovës për të ndihmuar integrimin e të gjitha komuniteve në shoqëri, sfidë kjo që ballafaqohen të gjitha shtetet mbarë globit.
