Prishtinë, 27 shtator - Nëse në zgjedhjet lokale të 3 nëntorit që do të mbahen në Kosovë do të ketë manipulim votash, atëherë për këtë do të mbajnë përgjejgësi subjektet politike që kanë përzgjedhur vëzhguesit e komisionerët.

Partitë kanë përgjejgësi pasi, sipas rregullave të KQZ-së secili subjekt garues ka të drejtë të ketë nga dy vëzhgues në secilin vendvotim, shkruan Tribuna.

Përveç vëzhguesve, subjektet kanë edhe komisionarë, ndërsa po ashtu zgjedhjet pritet të monitorohen edhe nga vëzhgues të shoqërisë civile dhe organizatave të ndryshme ndërkombëtare duke nisur nga misioni i Bashkimit Evropian.

Në 10 tetor do të bëhet i ditur numri i saktë i komisionerëve dhe vëzhguesve për procesin zgjedhor.

/Tribuna/