Prishtinë, 14 dhjetor - Kryesia konfirmoi rendin e ditës për seancën e sotme, të përcaktuar në mbledhjen e 8 dhjetorit

Kryesia e Kuvendit të Republikës së Kosovës, e kryesuar nga kryetari Kadri Veseli, mbajti sot mbledhjen e radhës, në të cilën ishin prezentë edhe kryetarët e grupeve parlamentare.

Në këtë mbledhje, Kryesia konfirmoi rendin e ditës për seancën e sotme plenare të Kuvendit, të përcaktuar në mbledhjen e datës 8 dhjetor.

Po ashtu, kryeparlamentari Veseli u bëri edhe njëherë thirrje deputetëve të grupeve parlamentare në opozitë që të marrin pjesë në seancë dhe t’i kthehen jetës së rregullt parlamentare, duke respektuar Rregulloren dhe ligjet në fuqi.