Prishtinë, 8 prill - Presidenti i Kosovës, Hashim Thaçi, ka deklaruar se si president do të angazhohet për katër çështje të rëndësishme, të cilat janë edhe prioritete.

Ai ka theksuar se  çështja e parë për të cilën do të angazhohet është respektimi dhe mbrojtja e Kushtetutës së Republikës së Kosovës. Si çështje e dytë për të cilën do të angazhohet, Thaçi, ka deklaruar se do të jetë afirmimi i Kosovës në rrafshin diplomatik, politik dhe social. Ndërsa si çështje e tretë dhe e katërtë për të cilat do të angazhohet Thaçi janë dialogu dyfishtë me komunitet joshumicë, Serbinë si dhe zhvillimi ekonomik. “Dialogu nuk ka alternativë”, ka deklaruar ai.