Prishtinë, 7 maj - Ministri i Ministrisë së Administrimit të Pushtetit Lokal (MAPL) Ljubomir Maric është takuar sot me Përfaqësuesin Special të Sekretarit të Përgjithshëm të KB-së në Kosovë, Farid Zarif. Gjatë takimit ata biseduan lidhur me planet e ardhshme të Ministrisë, si dhe për situatën aktuale në fushat e ndryshme.

Ministri Maric dhe Shefi i UNMIK-ut Zarif janë dakorduar se bashkëpunimi në mes të institucioneve lokale dhe atyre ndërkombëtare është shumë i rëndësishëm, dhe ky bashkëpunim është në dobi të të gjithë atyre që jetojnë në Kosovë.