Mitrovicë, 22 nëntor - Këshilltarët e Kuvendit Komunal   të enjten në seancën solemne  miratuan në mënyrë unanime   propozim vendimin për shpalljen  e znj. Madeleine Albright “Qytetare nderi  e Komunës së Mitrovicës”. Nga Këshilltarët Kuvendit Komunal u vlerësua lartë kontributi i saj dhënë popullit të  Kosovës.

Kryetari i Komunës Avni Kastrati tha se ndjehem i priviligjuar dhe nuk do të rresht së foluri  se znj. Albright  në mandatin  tim  i’u  dha  çmimi “Qytetare Nderi e Komunës së Mitrovicës”. “ Edhe  pas mandatit të saj si sekretare e Shtetit Amerikan vazhdoi përkrahjen e shtetit të Kosovës në ndërtimin shtetësisë  dhe promovimin e vlerave demokratike,duke u bërë mike e përjetshme e popullit shqiptar, tha ai.

 Ai theksoi , “Në momentet më të vështira të popullit shqiptar në Kosovë  gjatë viteve  1998-1999 ishte pranë popullit tonë dhe me veprimit e saja të guximshme  ndali gjenocidin serb  ndaj popullit të pafajshëm shqiptar” tha ai.

Ndërsa, kryetari i Shoqatës “Miqtë e Amerikës”, ka shprehur respektin për mikpritjen dhe mbështetjen e ofruar nga drejtuesit komunalë. Kemi dashur që Mitrovicës ti jepet primati  sepse  qyteti i  Mitrovicës këtë nderim e meriton theksoi ai.

Po ashtu në këtë seancë u njoftua për aktivitetet  dhe përgatitjet për vëllazirimin e qytetit të Mitrovicës me qytetin e Vlorës.