Prishtinë, 31 maj - Kryetari i Partisë Demokratike të Shqipërisë, Lulzim Basha ka uruar Isa Mustafën për rizgjedhjen edhe për një mandat në krye të LDK-së.

Në urim thuhet, I nderuar zoti Kryeminister, i dashur Ise, urimet më të përzemerta për rizgjedhjen tuaj në krye të Lidhjes Demokratike të Kosovës.

\"Rikonfirmimi i lidershipit tuaj është një akt besimi për përballimin me sukses të sfidave të drejtimit të LDK-së dhe një shtysë e fuqishme për përgjegjësitë e mëdha që ka LDK-ja dhe ju si kryetar i saj dhe Kryeministër i Kosovës për të sotmën dhe të nesërmen e qytetarëve të saj. Shpreh bindjen se bashkëpunimi dhe marrëdhëniet historike mes Partisë Demokratike dhe Lidhjes Demokratike të Kosovës do të forcohen edhe më tej në shërbim të interesave më të larta kombëtare dhe mirëqenies së qytetarëve tanë\", thuhet në urimin e Bashës.