Prishtinë, 29 dhjetor - Grupi i anëtarëve të LDK-së në Kuvendin e Prishtinës konsideron se viti 2015 ishte viti më i rëndë për qeverisjen, për ekzekutivin dhe Kuvendin e kryeqyetetit.

Vështirësitë kanë vazhduar gjatë gjithë vitit 2015, si pasojë e sjelljeve të përjashtuese të kryetarit të Komunës z. Shpend Ahmeti ndaj Kuvendit dhe shumicës parlamentare të tij.

Vështirësitë kanë vazhduar gjatë gjithë vitit 2015, si pasojë e ndërrimit të drejtorëve komunalë, ndërrim ky që ka filluar vetëm dy muaj pas fillimit të qeverisjes dhe ka vazhduar deri në shtator të këtij viti, me pasoja të mëdha për realizimin e buxhetit dhe për qytetarët e Prishtinës.

I tërë dështimi qeverisës dhe politik i Shpend Ahmetit konsiston në dështimet e tij të njëpasnjëshme të cilat dalin nga tri anë.