Prishtinë, 25 gusht - Lidhja Demokratike e Kosovës (LDK) do të bëjë sot prezantimin e kandidatit të LDK-së për Kryetar të Prishtinës, Arban Abrashi dhe kandidatit për Kryetar të Prizrenit, Dr. Hatim Baxhaku. 

I pranishëm në këto dy ngjarje do të jetë edhe Kryeministri i Republikës së Kosovës, njëherësh Kryetar i LDK-së, Akademik Isa Mustafa. 

Konferenca në Prishtinë do të mbahet në Sheshin “Adem Jashari” - hapësira mes Kuvendit të Kosovës dhe objektit të Komunës së Prishtinës. 

Konferenca në Prizren do të mbahet në oborrin e Kompleksit të Lidhjes Shqiptare të Prizrenit.